ABŞ Almaniyada yeni atom bombaları yerləşdirəcək
Dünya yenidən nüvə müharibəsi təhlükəsi ilə üz-üzədir.
Ölkə.az xəbər verir ki, ABŞ Almaniya ərazisində 20 yeni tipli atom bombası yerləşdirməyə hazırlaşır.
Yeni bombalar "B61-12" tiplidir. Bu bombaların birinin dağıdıcı gücü Hirosimaya atılmış bombalardan 80 dəfə çoxdur.
ABŞ-ın bu qərarı Rusiyada ciddi narahatlıqla qarşılanıb. Rusiya XİN-nin rəsmi nümayəndəsi Mariya Zaxarova bu xəbəri şərh edərkən ABŞ-ın addımının "Nüvə silahını yaymamaq haqqında müqavilə"nin 1-ci və 2-ci bəndlərini pozduğunu bildirib.
Xatırladırıq ki, yeni atom bombaları Almaniya qırıcıları olan Tornadonun asan daşıyacağı formada düzəldilib.
Ölkə.az