Bayden İsraili HAMAS-a cavab verərkən səhv etməməyə çağırıb
ABŞ Prezidenti Co Bayden İsraili HAMAS-ın törətdiklərinə cavab verərkən səhvlər etməməyə çağırıb.
APA xəbər verir ki, bu barədə ABŞ Prezidenti İsrailə səfərinin yekununa dair mətbuata açıqlamasında deyib.
ABŞ Prezidenti HAMAS-ın 7 oktyabrda İsrailə hücumunu ABŞ-da törədilən 11 sentyabr terror aktı ilə müqayisə edib. O xatırladıb ki, HAMAS 1400-ə yaxın israillini qətl edib. Bununla belə, o, İsrailə "ABŞ-da 11 sentyabr hadisəsindən sonra bir çox amerikalının baş verənlərdən hiddətləndiyi zaman etdiyi səhvləri" təkrar etməmək barədə xəbərdarlıq edib.
O, ABŞ-ın ədalət axtararkən və ona nail olarkən səhvlər etdiyini vurğulayıb.
