Trampın tərəfdarı Konqresin Nümayəndələr Palatasının yeni sədri olub
ABŞ Nümayəndələr Palatası dördüncü dəfə spiker seçib, səsvermənin nəticələrinə görə o, Respublikaçılar Partiyasının Luiziana ştatından olan nümayəndəsi Mayk Conson olub.
“Report” xəbər verir ki, ABŞ Konqresinin aşağı palatasında çoxluğa malik Respublikaçılar Partiyası bir gün əvvəl onun namizədliyini təsdiqləyib.
Qeyd edək ki, 51 yaşlı konqresmen dördüncü dəfə Nümayəndələr Palatasına seçilib.
O, ABŞ-ın keçmiş prezidenti Donald Trampın tərəfdarı hesab olunur. Siyasi karyerasından əvvəl Conson 20 ilə yaxın konstitusiya hüququ ilə məşğul olub.
