Bu ölkədə milyonlarla quş ölür
Amerikada milyonlarla quş balaları ekstremal isti səbəbindən ölür.
Lent.az-ın xəbərinə görə, Kaliforniya Universitetinin bu barədə tədqiqatının nəticələri “Science” jurnalında dərc olunub.
Bu, quş populyasiyası üçün böyük təhlükədir. Balaların sağ qalması valideynlərinin yem tapmaq və yuvalarını daha əlverişli məkanlarda qurmaq bacarığından asılıdır. Kənd təsərrüfatı ilə əlaqədar ətraf mühitdəki dəyişikliklər də artıq biomüxtəlifliyə ciddi təsir göstərir.
Hesablamalara görə, 1970-ci ildən indiyə qədər Şimali Amerikada quşların sayı 30 faiz, başqa sözlə 3 milyarda qədər azalıb.
