Qazaxıstan Krımı Rusiya torpağı kimi göstərdi: Ukrayna nota verdi

Ukrayna Qazaxıstanda tədris olunan bəzi dərsliklərdə Krımın Rusiyanın tərkib hissəsi kimi göstərilməsi ilə əlaqədar bu ölkəyə nota verib.

Ölkə.az xəbər verir ki, bu barədə Ukraynanın Qazaxıstandakı səfirliyinin bəyanatında deyilir.

“Qazaxıstanın “Məktəb” nəşriyyatı tərəfindən orta məktəblər üçün buraxılan dərsliklərdə Krım Muxtar Respublikası Rusiyanın tərkib hissəsi olaraq göstərilib. Bununla bağlı Ukrayna səfirliyi Qazaxıstan Xarici İşlər Nazirliyinə nota ilə müraciət edib", - bəyanatda belə deyilir.

"Bu, dəfələrlə Ukraynanı ərazi bütövlüyünü dəstəklədiyini bəyan edən Qazaxıstan hökumətinin mövqeyi ilə ziddiyyət təşkil edir. Biz bu dərsliklərin orta məktəblərdən dərhal yığışdırılmasını istəyirik", deyə diplomat vurğulayıb.

Qeyd edək ki, Ukraynada baş qaldıran iğtişaşlar fonunda Krım Muxtar Respublikasında 2014-cü ilin martında qondarma referendum keçirilib. Qondarma referendumun yekunlarına görə, Krım Rusiyanın bölgələrindən biri statusunu alıb. Lakin beynəlxalq ictimaiyyət və Ukrayna bu referendumun nəticələrini tanımır.

Ölkə.az