ABŞ Prezidentinin oğlu Konqresdə dindirilməyə çağırıldı
ABŞ Prezidenti Co Baydenin oğlu Hanter Bayden və qardaşı Ceyms Bayden atasının siyasi nüfuzundan biznes əlaqələrində istifadə etdiyinə görə Konqresə ifadə verməyə çağırılıb.
Ölkə.Az BBC-yə istinadla xəbər verir ki, bu barədə ABŞ Konqresinin Nümayəndələr Palatasının Nəzarət və Hesabat Komitəsinin sədri Ceyms Komer açıqlama verib.
O bildirib ki, Bayden ailəsinin üzvlərinin Co Baydenin vitse-prezidentlik dövründə xaricdən aldıqları ödənişləri gizlətmək üçün 20-dən çox paravan şirkət qurduqları iddiasını ehtiva edən bəzi maliyyə sənədləri əldə edilib.
Ağ evin mətbuat katibi Karin Jan-Pyer mətbuat konfransında bunun bir ildir davam edən bir araşdırma olduğunu və prezident Baydenin səlahiyyətlərindən sui-istifadə etdiyinə dair heç bir sübut tapılmadığını söyləyib.
Billurə
