Merkel Zukerberqi danladı

Zukerberq irqçilikdə ittiham olunub

Ölkə.Az xəbər verir ki, Almaniya kansleri Angela Merkel "Facebook" sosial şəbəkəsinin rəhbərliyinin Berlinin irqçi və ksenofob paylaşımlara qarşı arzularına reaksiya verməməsindən gileylənib.

"Bloomberg" yazır ki, Merkel şəxsən narazılığını şəbəkə təsisçisi Mark Zukerberqə ifadə edib. Bildirilir ki, Zukerberq bunun üzərində işləyəcəklərini dilə gətirib.

Xatırladaq ki, bir müddət öncə Mark Zukerberq "dislike" funksiyasını əlavə etməyi vəd edib.

"Facebook" əsası 2004-cü ildə Mark Zukerberq və onun otaq yoldaşları Eduardo Saverin, Dastin Moskovits və Kris Hyuz tərəfindən qoyulmuş, dünyada ən böyük sosial şəbəkədir.

Ölkə.Az