Müharibənin bir günü 5 milyona başa gəlir

Ukrayna prezidenti Poroşenko BMT-nin sammitində çıxış edib.

Ölkə.az xəbər verir ki, o, çıxışını əsasən Krım və Donbasın üzərində qurub.

Onun sözlərinə görə, müharibə nəticəsində Ukraynanın şərq bölgəsində şəhərlər, yaşayış məntəqələri dağıdılmış, infrastruktur yararsız hala düşmüşdür. Minlərlə insan öz ev-eşiklərindən didərgin düşmüş və hər şeyini itirmişdir.

Bundan başqa Poroşenko ölkəsində iqtisadi böhranın əsas səbəbi kimi Donbasın nəzarətdən çıxmasını göstərib. O, qeyd edib ki, bu bölgə Ukrayna iqtisadiyyatının beşdən biri demək idi. Müharibənin fəsadlarından danışan Poroşenko konfliktin gün ərzində Ukrayna büdcəsinə 5 milyon dollara başa gəldiyini bildirib.

Ölkə.az