Zaxarova: Qərb İrəvanı vəhşicəsinə ələ keçirib, Rusiya…

Ermənistan rəhbərliyinin son bəyanatlarını və addımlarını, o cümlədən baş nazir Nikol Paşinyanın və Qriqoryanın da KTMT-nin Minskdə keçiriləcək Zirvə görüşündən imtinasını nəzərdən keçiririk.

Ölkə.Az xəbər verir ki, bunu Rusiya XİN sözçüsü  Mariya Zaxarova deyib.

“Ermənistanın Avropaya inteqrasiyası və ya blokdan kənar statusu, respublikaya Qərb silahlarının tədarükünün genişləndirilməsi, İrəvanın Kiyev rejimi ilə qəfil dostluğu, yəqin ki, bir zəncirin halqaları kimidir. Yalnız mənə elə gəlir ki, bu, bir əsarət zənciridir. Bu, bağlayan və azad edən zəncirləri qırmaq deyil, məhz bunlar köləlik edən zəncirlərdir. Bu ölkəyə, bu xalqa belə bir ideologiya yeritmək istəyinin arxasında kim dayanır? Bu, açıq-aydın Qərbdir. Bunu da heç kim gizlətmir”, - Zaxarova bildirib.

O əlavə edib ki, Qərbin Ukrayna istiqamətində planları iflasa uğrayıb və indi Ermənistanı “vəhşi heyvan kimi caynağına” keçirib.

“Biz öz tərəfimizdən əminik ki, bu, Ermənistanın və erməni xalqının köklü maraqlarına tamamilə ziddir. Bizə elə gəlir ki, bu, bütövlükdə Cənubi Qafqaz regionunda sabitliyin bərqərar olmasına xidmət etmir”, - Zaxarova qeyd edib.

O, İrəvanın bu addımını iki stulda oturmaq cəhdi kimi qiymətləndirib: “Əgər bu, iki kresloda oturmaq cəhdidirsə, bu heç kimə xeyir gəirmir”.

Mürtəza
Ölkə.Az