Cənubi Koreya Şimali Koreyanın atəşinə belə cavab verdi

Cənubi Koreya silahlı qüvvələri Şimali Koreya tərəfindən Yonpyonqdo və Pangnyondo adaları yaxınlığında suların atəşə tutulmasına cavab olaraq təlimlər keçirib. 

Ölkə.Az “Yonhap”a istinadən xəbər verir ki, bu barədə Koreya Respublikası Silahlı Qüvvələrinin Baş Qərargah Rəisləri Komitəsi məlumat yayıb. 

Təlimlərdə Yonpyonqdo və Panqnyonqdo adalarında yerləşən dəniz piyada qoşun birləşmələri iştirak edir. Cənubi Koreya tərəfi su ərazisini atəşə tutub, təlimlərə K9 özüyeriyən artilleriya qurğuları cəlb olunub. 

Qeyd edək ki, bu gün Şimali Koreyanın sahil artilleriyası Cənubi Koreyaya məxsus Yonpyonqdo və Panqnyonqdo adalarına doğru 200-dən çox mərmi atıb. Mərmi atılması nəticəsində mülki şəxslər və hərbçilər arasında itki olmayıb. 

Mürtəza
Ölkə.Az