Obama Trampı şou qəhrəmanı adlandırdı

Obama Trampın qalibiyyətinə şübhə ilə yanaşır

Ölkə.Az-ın xəbərinə əsasən, ABŞ prezidenti Barak Obama bəyan edib ki, Respublikaçılar partiyasından prezidentliyinə namizəd Donald Tramp realiti-şounun klassik qəhrəmanıdır və çətin ki, nəticədə prezident olsun.

"O, çox yaxşı şöhrət ovçusudur və bu, Respublikaçılar partiyasının nəyə qarşı çıxış etməsini müəyyən etmədiyi vaxtdadır", - deyə Obama əlavə edib.

Bir müddət öncə milyarder Donald Tramp bildirib ki, qalib olacağı təqdirdə amerikalıların müəyyən hissəsini vergilərdən azad edəcək.

Trampın planına əsasən, verginin azaldılması bir çox korporasiyalar üçün və zəif təminatlı vətəndaşlar üçün nəzərdə tutulub. O qeyd edib ki, yoxsulları tamamilə vergidən azad etmək lazımdır.

Qeyd edək ki, keçirilən sorğulara əsasən, Donald Tramp respublikaçı namizədlər arasında liderdir. İndiyədək seçki kampaniyalarında səbəbkar olduğu qalmaqalların onun reytinqinə müsbət, yoxsa mənfi təsir etdiyi isə hələ də bilinmir. Donlad Tramp kampaniyalar zamanı cəmiyyət içində rəqiblərindən birini təhqir edib, teledebat işçiləri ilə mübahisə edib və Respublikaçılar partiyasının bir neçə üzvü ilə dalaşıb.

Rəşid Mustafazadə

Ölkə.Az