Moskva teraktı ilə bağlı 2 nəfər saxlanıldı, 4-ü qaçdı - FOTO

Rusiya mediası  “Crocus City Hall”da baş verən terror aktında şübhəli bilinən dörd nəfərin forosunu yayıb.

Ölkə.Az xəbər verir ki, "Baza" teleqram kanalının məlumatına  görə, ehtimal olunan cinayətkarların olduğu avtomobil Belarus və Ukrayna sərhədində yaxın Teplı kəndi yaxınlığında  saxlanılıb. Saxlanılan avtomobilin içərisində altı nəfər olub və onlardan dördü qaça bilib. Onun sözlərinə görə, saxlanılan şəxslər tacikdirlər və terror aktında iştirakı yoxlanılır.

Telekanalın məlumatına görə, altı mümkün terrorçudan dördünün şəxsiyyəti müəyyən edilib. "Crocus Hall"a Tacikistanın aşağıdakı vətəndaşları hücum edə bilər.  Bunlar 21 yaşlı Şoxinjonn Safolzoda, 29 yaşlı Rüstəm Nəzərov, 51 yaşlı Rivojidin İsmonov və 37 yaşlı Mahmudrəsul Nəsridinovdur. 

Məlumatda o da qeyd olunur ki, şübhəlilərdən hansının saxlanıldığı hələlik məlum deyil.

“Onlar  Rusiyanın Yaroslavl, İvanovo və Samara vilayətlərində qeydiyyata alınıblar”, - teleqram kanalı yazıb.

Mürtəza
Ölkə.Az