İnsanları dinozavrların aqibəti gözləyir

İnsanlar dinozavrların yolu ilə gedəcək?

Ölkə.Az xəbər verir ki, BMT-nin Baş katibi Pan Gi Munun "Təbiətlə vəhdətdə" adlı hesabatına əsasən, hazırda alimlər bütün bəşəriyyət və Yer kürəsi üçün təhdid olan altıncı qırılmanı müşahidə edirlər.

Mütəxəssislər 66 milyon il əvvəl dinozavrların kütləvi qırılması ilə müqayisə edirlər. Lakin bu hadisələrin başvermə səbəbləri müxtəlifdir: əgər qədim dinozavrlar asteroidin düşməsindən ölmüşdüsə, insanların qırılmasına səbəb elə insanların fəaliyyəti olacaq.

Sənəddə deyilir ki, hələ 195-ci illərdə alimlər atmosferdə istixana qazlarının sürətli artması, meşələrin və heyvan, bitki, həşəratların məhv edilməsi barədə xəbərdarlıq etmişdilər. Onlar dəfələrlə qeyd edib ki, insanları da qırılma təhlükəsi gözləyir.

Baş katibin sözlərinə görə, 21-ci əsrin əvvəlində bəşəriyyətin təbiətlə münasibətləri bərpa etmək üçün bütün şansları var. Pan Gi Mun əlavə edib ki, yalnız birgə səylərlə bu problemləri dəf etmək mümkündür.

Rəşid Mustafazadə

Ölkə.Az