NATO Rusiya ilə münasibətlərin kəskinləşməsinə qarşıdır

"NATO və Rusiya münasibətlərin həddindən artıq kəskinləşməsindən qaçmalıdır".

Ölkə.Az xəbər verir ki, bu fikri ötən gün NATO baş katibinin müavini Aleksandr Verbşou ifadə edib.

Madriddə keçirilən konfransdakı çıxışın mətni təşkilatın saytında yerləşdirilib.

"Heç olmasa, gərginliyin artmaması üçün Rusiya ilə münasibətlərin olması bizim maraqlarımız daxilindədir. Biz anlaşılmazlıqların qarşısını almaq üçün münasibətlərimizdə şəffaflığı stimullaşdırmalıyıq", - deyə müavin bildirib.

Verbşounun fikrincə, Moskva düşünür ki, Rusiyanın təhlükəsizliyinin təmin edilməsi yalnız qonşu dövlətlərin qeyri-stabilliyi və parçalanmasından keçir.

Rəşid Mustafazadə

Ölkə.Az