Öldüyü deyilən qadın cənazə əsnasında "dirildi" - FOTO

ABŞ-nin Nyu York şəhərində öldüyü deyilən 82 yaşlı qadın sonradan “dirilib”.

Ölkə.Az xarici KİV-ə istinadla xəbər verir ki, Cenet Balduççi  "Water's Edge" Reabilitasiya və Baxım Mərkəzində yaşayıb.

Bu il fevralın 4-də öldüyü deyilən ahıl qadın cəsəd torbasına qoyularaq cənazə evinə aparılıb.

Sonradan cənazə evinin işçisi yaşlı qadının yaşadığını görərək yaxınlarına xəbər verib.

Dərhal xəstəxanaya yerləşdirilən qoca 1 gün sonra dünyasını dəyişib.

Hadisədən sonra ahıl qadının oğulları analarının qaldığı qocalar evini məhkəməyə veriblər. Ailə Suffolk Ali Məhkəməsinə müraciət edərək bu səhvin necə baş verdiyini öyrənmək istəyir.

Ailənin vəkili  iddia edir ki, hadisə qocalar evində yaşlıların baxımsızlığı probleminə işarə edir.

Faktla ilə bağlı istintaq davam edir.

Billurə