15 il sonra barışdılar - FOTO

Türkiyəli məşhur müğənnilər İbrahim Tatlısəslə Yıldız Tilbe 15 il sonra barışıb.

Ölkə.Az xəbər verir ki, 2009-cu ildə "İbo Show"da mübahisə edən və uzun illər bir-birləri ilə bağlı suallarını cavabsız qoyan sənətçilər Bodrumda bir araya gəlib.

İllər sonra bir araya gələn müğənnilərin barışması pərəstişkarlarını sevindirib. 15 ildən sonra barışan cütlük poza verməyi və bir-birini qucaqlamağı da unutmayıb. 

Qeyd edək ki, 2009-cu ildə İ.Tatlısəs aparıcısı olduğu "İbo Show"da Yıldız Tilbenin keçmişdə döyüldüyünü və ondan yardım istədiyini iddia edib. Onun bu çıxışından sonra qəzəblənən Tilbe Tatlısəsi alqışlayaraq verilişi tərk etmişdi. 

Ölkə.Az