Rusiyada hərbi helikopter qəzaya uğrayıb: ölən var

Rusiyanın Kaluqa vilayətində Mi-28 hərbi helikopteri qəzaya uğrayıb.

Ölkə.az xəbər verir ki, Rusiya Federasiyasının Müdafiə Nazirliyi faktı təsdiqləyib. 

Müdafiə Nazirliyi hadisənin təfərrüatları barədə məlumat verərək bildirib ki, qəza planlı uçuş zamanı baş verib və təyyarənin göyərtəsində olan ekipaj həlak olub.

“Mi-28 helikopteri Kaluqa vilayətinin Klenki kəndi yaxınlığında meşəyə düşüb. İlkin məlumatlara görə, təyyarənin qəzaya uğramasına səbəb texniki nasazlıq olub”, - Rusiya Müdafiə Nazirliyi bildirib. 

Mürtəza
Ölkə.Az