Trampın Rusiyanı çökdürmək üçün planı belədir - Sabiq dövlət katibi 

Donald Tramp prezident seçkilərində qalib gələrsə, “Lend-Lease” proqramı çərçivəsində Ukraynaya 500 milyard dollar ayıra və Kiyevə verilən silahların növü, modifikasiyası ilə bağlı bütün məhdudiyyətləri aradan qaldıra bilər.

Ölkə.Az xəbər verir ki, bunu Trampın prezidentlik dövründə ABŞ Dövlət katibi olmuş Mayk  Pompeo "The Wall Street Journal"da dərc etdiyi məqaləsində yazıb. 

Keçmiş dövlət katibi həmçinin etiraf edib ki, Tramp Rusiyaya qarşı real sanksiyalar tətbiq edə bilər və bu da Moskva ilə gələcək razılaşmanın şərtlərini müəyyən etməyə imkan verəcək. 

Pompeo əlavə edib ki, onsuz da heç kim Donbas və Krımın Rusiyaya birləşdirilməsini tanımır. “Necə ki biz Baltikyanı ölkələrin SSRİ-yə qoşulmasını heç vaxt tanımamışıq və 1974-cü ilə qədər ADR-i tanımırdıq”, - Pompeo deyib.

Onun fikrincə, bu yanaşmanın həyata keçirilməsi nəticəsində hərbi əməliyyatlar dayandırılacaq və Ukrayna müdafiə qüvvələrini əhəmiyyətli dərəcədə artıracaq.
"Bundan sonra Ukrayna Amerika vergi ödəyicilərinin dollarları hesabına deyil, Rusiya Mərkəzi Bankının dondurulmuş aktivlər  hesabına bərpa olunacaq. Rusiyaya qarşı beynəlxalq sanksiyalar isə yalnız Ukraynanın NATO və Aİ-yə üzv olmasından sonra ləğv ediləcək", -  Pompeo yekunlaşdırıb.

Mürtəza
Ölkə.Az