Qəzadan sonra ölən şəxsin qopan ayağını oğruladı - FOTO

ABŞ-nin Kaliforniya ştatında insanları dərindən sarsıdan hadisə baş verib.

Ölkə.Az xarici KİV-ə istinadla xəbər verir ki, cümə günü səhər saatlarında Vasko şəhərindəki Amtrak qatar stansiyasının yaxınlığında qatarın vurduğu şəxsin bədəni hissələrə ayrılıb.
Resendo Tellez adlı 27 yaşlı şəxs qatar qəzasında ölən şəxsin qopan ayağını oğurlayıb. Bu barədə polisə hadisə şahidləri məlumat verib.

Hadisə yerindəki kameralara düşən görüntülər isə təəccüb doğurub.

Belə ki, R.Tellezin əvvəlcə əlində qopan ayaqla yeridiyi, daha sonra onu iylədiyi və kameralara göstərərək yellətməsi öz əksini tapıb.

Şübhəli şəxs hadisə yerindən dəlil götürdüyünə və əvvəllər törətdiyi digər cinayətlərə görə həbs edilib. Tellezin yaxın günlərdə məhkəmə qarşısına çıxacağı gözlənilir.
ABŞ mətbuatı bu cür hadisənin bu il ərzində ikinci dəfə baş verdiyini yazıb. Belə ki, daha əvvəl, başqa bir qatar qəzasından sonra naməlum şəxs kəsilmiş insan əli ilə evsizlər sığınacağına getmişdi.

Billurə