Sərvətinə sərvət qatıb: Rusiyanın ən varlı azərbaycanlısı

"Bloomberg Milyarderlər İndeksi"nə əsasən, Rusiyanın ən zəngin iş adamlarının sərvəti bu ilin əvvəlindən 24,29 milyard dollar artıb.

Ölkə.Az  xəbər verir ki, ilin əvvəlindən "Avroxim" və SUEK-in həmtəsisçisi Andrey Melniçenko 6,37 milyard dollar qazanaraq sərvətini 25,2 milyard dollara, "Severstal"ın yaradıcısı Aleksey Mordaşovun isə 5,89 milyard dollar gəlir əldə etməklə sərvətini 26,8 dollara, “Lukoyl”un təsisçisi Vahid Ələkbərov isə sərvətinə 3,24 milyard dollar əlavə etməklə sərvətini 27,9 milyard dollara çatdırıb.

Bundan əlavə isə ən çox itkiyə məruz qalan milyarder Rusiyanın ən böyük dəmir filizi istehsalçısı olan “Metalloinvest”in səhmdarı Əlişir Usmanov olub. Onun sərvəti 4,85 milyard dollar azalaraq 16,2 milyard dollara düşüb.

Qeyd edək ki, 2012-ci ilin mart ayından agentlik davamlı olaraq planetin ən zəngin 500 adamının sərvətinə dair məlumatları özündə əks etdirən siyahını dərc edir.

Mürtəza
Ölkə.Az