Ərdoğan Baydenlə telefonla danışıb

Türkiyə prezidenti Rəcəb Tayyib Ərdoğan ABŞ prezidenti Co Baydenlə telefonla danışıb.

"Ölkə.az" xəbər verir ki, telefon danışığı zamanı Türkiyə ilə ABŞ arasındakı ikitərəfli əlaqələr, Qəzza problemi, Türkiyədə girov mübadiləsi, regional və qlobal hadisələr müzakirə edilib.

Ərdoğan Netanyahu administrasiyasının atəşkəs və sülh istəmədiyini vurğulayaraq ABŞ Nümayəndələr Palatasındakı görüntülərin Türkiyəni və dünyanı məyus etdiyini, HƏMAS Siyasi Bürosunun rəhbəri İsmayıl Haniyənin öldürülməsinin atəşkəs səylərinə ağır zərbə olduğunu, İsrailin Qəzzadakı yanğını bütün bölgəyə yaymaq üçün çalışdığını deyib.

Görüş zamanı ABŞ prezidenti Bayden prezident Ərdoğana girov mübadiləsinin rahat keçməsi üçün göstərdiyi səylərə görə təşəkkür edib.