Ərdoğandan instaqram açıqlaması: "Rəqəmsal faşizmlə qarşı-qarşıyayıq"

Türkiyə prezidenti Rəcəb Tayyib Ərdoğan son günlərdə ölkədə instaqramın məhdulaşdırılması ilə bağlı məsələyə aydınlıq gətirib.

Ölkə.Az xəbər verir ki, AK Partiya qərargahında çıxış edən Ərdoğanın sözlərinə görə, artıq sosial media şirkətlərindən bir döyüşçü kimi istifadə edilir.

“İsraili tənqid edən sadə bir cümləyə belə, dərhal senzura tətbiq etməyi özlərinə vəzifə hesab edirlər”, - o qeyd edib.

Türkiyənin rəqəmsal faşizmlə qarşı-qarşıya olduğunu bəyan edən Ərdoğan sosial media şirkətlərinin ABŞ və Avropada göstərdiyi həssaslığı  Türkiyədə göstərmədiyini bildirib.

“Türkiyənin haqlı tələbləri yerinə yetirilərsə və həssaslıqlarına hörmət edilərsə, məsələ avtomatik həll olunacaq", - Ərdoğan deyib.  

Mürtəza
Ölkə.Az