Müslüm Maqomayev Fondu “Krokus”dakı terror qurbanlarına yardım edəcək

Müslüm Maqomayev Fondu “Krokus”da terror aktının 300-dən çox qurbanına yardım edəcək.
Ölkə.Az xəbər  verir ki, martın 22-də Moskva yaxınlığındakı “Krokus Siti Holl”da törədilən terror aktının 300-ə yaxın qurbanı maliyyə yardımı üçün Müslüm Maqomayev adına Mədəni və Musiqili İrs Fonduna müraciət edib. 

Müraciətə əsasən  sentyabrın əvvəlində xüsusi komissiya ərizələrə baxacaq, zərərçəkmişlərin kateqoriyalarını formalaşdıracaq, sonra isə onlar arasında vəsait bölüşdürəcək.

Təşkilatın  verdiyi xəbərə görə,  hazırda Fondun hesabında 140 milyon rubla yaxın vəsait var və onun böyük hissəsi Araz və Emin Ağalarovlar, eləcə də digər aidiyyəti vətəndaşlar və təşkilatlar tərəfindən yığılıb.

Martın 22-də Moskva yaxınlığındakı Crocus City Hallda terror aktı baş verib. 145 nəfər həlak olub, 500-dən çox insan yaralanıb. 

 Mürtəza
Ölkə.Az