11 yaşlı uşaq həbs edildi, səbəb isə... - VİDEO

ABŞ-də 11 yaşlı uşaq həbs edilib.

Ölkə.Az xarici KİV-ə istinadla xəbər verir ki, hadisə Nyu Yorkda baş verib.

Belə ki, 11 yaşlı venesuelalı mühacir oğlan Nyu-York metrosunda quldurluq və "Central Park"da silsilə oğurluqlarla əlaqədar həbs edilib.

Nyu-York polisi 11 yaşlı venesuelalı uşağı metroda şiddətli quldurluqda əsas şübhəli kimi həbs edib. Azyaşlının metroda özündən 13 yaş böyük şəxsə hücum etdiyi, yanındakı şəxslə birlikdə sərnişinin telefonunu aldığı və daha sonra döydüyü üzə çıxıb.

Polisin açıqlamasına görə, 11 yaşlı oğlan həmçinin Mərkəzi Parkda silsilə oğurluqlar zamanı ələ keçirdikləri kredit kartlarından istifadə edərkən müşahidə kameralarına da düşüb.

Nyu York polisi bunun miqrant soyğun modeli olduğunu deyib. Qeyd olunub ki, Mərkəzi Parkda qeydə alınan 10 soyğunda 12-yə qədər miqrant uşaq və ya gənc iştirak edib.

Polisdən həmçinin bildirilib ki, bu soyğunçuluğun arxasında venesuelalı dəstə “Tren de Araqua”nın olma ehtimalı araşdırılır.

Billurə