Lukaşenko: Batsa, birlikdə batacağıq

“Rusiya ilə faktiki olaraq eyni qayıqdayıq. O, batsa, birlikdə batacağıq".

Ölkə.Az xəbər verir ki, bunu Belarus prezidenti Aleksandr Lukaşenko “ Rossiya” telekanalına müsahibəsində deyib.

"Müttəfiqlik əlaqələrimizi gizlətməyə də ehtiyac yoxdur. Biz özümüzü heç nə vermədən yalnız Rusiyadan almaq istəyən bəzi başqa dövlətlər kimi aparmırıq”, - Lukaşenko bildirib.

Lukaşenko bu fikrini səsləndirərkən Ermənistanı nəzərdə tutub. 

“Dəstək üçün Rusiyaya müraciət etməli olduğunuz vaxt uzaqda deyil. Böhran zamanı, hamı kömək üçün Putinə müraciət edir", - o qeyd edib. 

O əlavə edib ki, fövqəladə hallarda MDB ölkələri yardım üçün yenidən Rusiya və Belarusa müraciət edəcəyinə əminəm. 

Lukaşenko əlavə edib ki, bu vəziyyət belə davam edə bilməz. 

Mürtəza
Ölkə.Az