ABŞ silahlarının Kurskda istifadəsi siyasətimizə zidd deyil - Sabrina Sinqx 

ABŞ silahlarının Kursk bölgəsinə hücumlarda istifadəsi ABŞ-ın siyasətinə zidd deyil.

"Ölkə.az" xəbər verir ki, bunu jurnalistlər üçün keçirdiyi növbəti brifinqdə Pentaqonun mətbuat katibinin müavini Sabrina Sinqx Ukrayna Silahlı Qüvvələrinin (USQ) Kursk vilayətinə daxil olmasını və orada ABŞ silahlarından istifadə etməsini şərh edərkən deyib.

“Bizim siyasətimiz imkan verir ki, Ukrayna bu sərhəd bölgəsində Rusiyanın hücumlarından müdafiə olunmaq üçün əks-hücumlar keçirsin”, - ABŞ Müdafiə Nazirliyinin nümayəndəsi bildirib.

Ukrayna Silahlı Qüvvələrinin Kursk vilayətinə kütləvi hücumu avqustun 6-da başlayıb. Regionda fövqəladə rejim qüvvədədir və dəfələrlə raket təhlükəsi elan edilib. Rusiya Federasiyası Baş nazirinin birinci müavini Denis Manturovun sözlərinə görə, 115 min insan təhlükəli sərhəd bölgələrindən köçürülüb. Evlərini tərk etməyə məcbur olan Kursk vilayətinin sakinləri üçün 29 rayonda müvəqqəti yerləşdirmə mərkəzləri açılıb.

Rusiya Müdafiə Nazirliyinin məlumatına görə, Kursk istiqamətində döyüş əməliyyatları başlayandan bəri Kiyev 4,7 mindən çox hərbi qulluqçu və 68 tank itirib. 

Elvin 

Ölkə.az