Bu ölkədə uşaq bağçasında cinsi istismar qalmaqalı: 60 uşaq... - FOTO
Avstraliyada uşaq bağçasının işçisi Aşli Paul Qriffit 60 uşağa cinsi istismarda təqsirli bilinib.
Ölkə.Az xarici KİV-ə istinadla xəbər verir ki, Qriffit uşaqlara qarşı cinsi istismarı 2003-2022-ci illər arasında Avstraliya və İtaliyada gerçəkləşdirib.
46 yaşlı dayə əməlini etiraf edib.
Qeyd olunub ki, istismara məruz qalan 60 uşağın yaşı 12-dən az olub.
Qriffit 2022-ci ildə uşaqlara qarşı cinsi istismar məzmunlu paylaşımlarına görə saxlanılıb.
Ötən il isə tərbiyəçinin 2003-2022-ci illərdə Avstraliyanın 12 fərqli bölgəsində və İtaliyanın Piza şəhərində 91 uşağa qarşı 623 cinayət törətdiyi təsbit edilib.
Məhkəmə işinin gedişatı zamanı Qriffit barəsindəki ittihamların bir qisminə xitam verilib.
Ona hansı cəza veriləcəyi hələlik məlum deyil.
Billurə Yunus
