Türkiyədə 2 həftədir axtarılan Narinin əmisi saxlanıldı: Detalar... - VİDEO

Türkiyənin Diyarbəkir rayonunun Bağlar mahalının Tavşantepe məhəlləsində (kənd tipli məhəllə) 14 gündür itkin düşən 8 yaşlı Narin Güranın axtarışları hələ də davam edir. Son olaraq onun əmisi S.G. məhkəmə qərarı ilə həbs olunub.

Ölkə.Az Türkiyə mətbuatına istinadla xəbər verir ki, ədliyyə naziri Yılmaz Tunç Narinin əmisi ilə bağlı diqqətçəkən açıqlamalar verib. O bildirib ki, azyaşlının ata və anasından götürülən qan nüçmunələri ilə əmisinin avtomobilində tapılan nümunələr uyğunluq təşkil edib.

"Narinlə bağlı dağı-daşı axtarırıq, amma təəssüf ki, hələlik tapılmayıb. Məhkəmə-tibbi ekspertizaları nəticəsində tapılan izlərin kimə aid olması ilə bağlı dəqiq müəyyənləşmə mümkün olmayıb. Əsas arzumuz odur ki, Narin sağ tapılsın”- nazir söyləyib.

Bundan əlavə, Türkiyə mətbuatı Narinin saxlanılan əmisinin telefonundakı bütün mesaj və zənglərin silindiyini yazıb. Hətta onun bu məqsədlə telefonuna xüsusi proqram yüklədiyi bildirilib.

Digər tərəfdən əmi S.G-nin Narinin son görüldüyü vaxtdan 15 dəqiqə sonra kənddən çıxdığı müəyyən edilib. 

İstintaq çərçivəsində saxlanılan S.G ziehli maşınlarla polis idarəsinə aparılıb və daha sonra məhkəmə qararı ilə həbs edilib. 

Billurə Yunus