Məşhur milyarder 80 milyon dollara şəxsi təyyarə aldı

Amerikalı milyarder Ceff Bezos 80 milyon dollara şəxsi təyyarə alıb.

Yarım milyard dollara başa gələn Koru yelkənli yaxtasından sonra "Amazon"un qurucusu Ceff Bezos kolleksiyasında dördüncü olan şəxsi təyyarə alıb.

Qaynarinfo "Bild"ə istinadən xəbər verir ki, hava gəmisinin qiyməti 80 milyon dollardır.

"Rolls"-Royce mühərrikləri ilə təchiz edilmiş "Gulfstream G700" dünyanın ən sürətli şəxsi təyyarələrindən biri hesab olunur. Onun interyeri beş otaqdan, duşu və tualeti olan hamam və böyük mətbəxdən ibarətdir. Ümumilikdə təyyarə 19 sərnişini qəbul edə bilir. "Gulfstream G700"ün maksimal uçuş məsafəsi 14 min kilometrdən çoxdur.

"JetSpy" xidmətinin məlumatına görə, Bezosun əvvəlki "Gulfstream G650" modelinin iki oxşar təyyarəsi, həmçinin İsveçrənin daha təvazökar "Pilatus PC-24" təyyarəsi var. Mütəxəssislər onun aviasiya kolleksiyasının ümumi dəyərinin 200 milyon dollar olduğunu təxmin edirlər.

"Gulfstream G700" təyyarəsi bazarda yenidir və dünyanın hər yerindən milyarderlər tərəfindən axtarılır. Güman ki, bu ilin iyul ayından "Gulfstream G700"ün sahibi başqa bir amerikalı milyarder İlon Maskdır.