Son 30 ildə ən isti hava - REKORD GÖSTƏRİCİ

Dünya 2024-cü ildə ən isti yayı yaşayıb. 

Ölkə.az yenisabah-a istinadən xəbər verir ki, Avropa Birliyinin (AB) Kopernik peyk izləmə sistemi 2024-cü ilin yayının dünyada " ən isti yay " olaraq qeydə alındığını açıqlayıb. 

Açıqlamada bildirilib ki, 2024-cü ilin avqustu 1991-2020-ci illərin orta göstəricisindən 0,71 dərəcə yuxarı qalxaraq qlobal miqyasda ən isti ay olub. 

Kopernik tərəfindən verilən açıqlamaya görə, dünyanın ən isti ayı avqust ayı olub. 

2024-cü ilin iyun-avqust aylarında dünya üzrə ölçülən temperatur 1991-2020-ci illərin orta göstəricisini 0,69 dərəcə, 2023-cü ilin iyun-avqust aylarındakı rekordu isə 0,66 dərəcəni ötüb.