İsraildən livanlılara çağırış: Evləri tərk edin, yoxsa...

Qəzzadan sonra Livanın cənubunda cəbhə açan İsrail ordusu mülki insanları "Hizbullah"çıların olduğu yerlərdən uzaq durmağa və evləri tərk etməyə çağırıb.

Ölkə.Az xəbər verir ki,  belə bir bəyanatla İsrail ordusunun sözçüsü Aviçay Adrae çıxış edib. 

O, açıqlamasında "Hizbullah"ın Livanın cənubundakı kənd və qəsəbələrdə bir çox yaşayış binalarında silah gizlətdiyini iddia edib.

"Hizbullah"ın İsrailə hücum etməyə hazırlaşdığını bildirən Adrae mülki əhalini "Hizbullah"ın silah gizlətdiyini iddia etdiyi  ev və binaları boşaltmağa çağırıb. O eyni zamanda  mülki insanları həmin binalardan uzaq durmağa səsləyib.
Bunun mülki əhalinin təhlükəsizliyi üçün edildiyini bildirən Adrae İsrail ordusunun həmin  tikililəri yıxacağı ilə hədələyib.

Mürtəza
Ölkə.Az