Meymunlar azyaşlı qızı zorlanmaqdan xilas etdi - FOTO
Hindistanda bir qrup meymun 6 yaşlı qızı zorlama cəhdindən xilas edib
Ölkə.Az xarici KİV-ə istinadla xəbər verir ki, hadisə həftəsonu Uttar-Pradeş əyalətinin şimalında yerləşən Bağpat şəhərində baş verib.
İddiaya görə, naməlum şəxs kiçik qızı tərk edilmiş evə apararaq onu zorlamaq istəyərkən bir neçə meymun gələrək onu xilas edib.
Evə qayıdan qız ailəsinə meymunların onu xilas etdiyini deyib.
"Meymunlar olmasaydı, qızım indi həyatda olmaya bilərdi" - qızın atası söyləyib.
Təhlükəsizlik kameralarına düşən görüntülərdə şübhəlinin qızın əlindən tutaraq küçədə gəzdiyi görünür.
Faktla bağlı araşdırma aparılır.
Qeyri-adi hadisə Hindistanda böyük əks-səda doğurub.
Billurə
