Nazir parlamentdə pomidor hücumuna məruz qaldı - VİDEO

İsveç xarici işlər naziri Maria Malmer Stenergard İsveç parlamentindəki çıxışından sonra kreslosuna qayıdarkən deputatlar tərəfindən pomidorla hücuma məruz qalıb. 

Ölkə.Az xəbər verir ki, BMT Baş Assambleyasının "İsrailin işğal etdiyi Fələstin torpaqlarını qanunsuz işğalına" bir il ərzində son qoymasını tələb edən qətnamə ilə bağlı İsveç parlamentində keçirilən iclasda İsveç xarici işlər naziri Maria Malmer Stenergard çıxış edib.

Nazirin çıxışı bəzi deputatlaırn etirazına səbəb olub. Çıxışdan sonra yerinə qayıdarkən pomidorla hücuma məruz qalan Stenerqard hücumdan sonra məclisdən qaçıb.

İsveç mətbuatında yer alan xəbərlərə görə, parlamentdə deputatlardan biri  “İsraili dayandırın, onlar terrorçudur”, bir nəfərin isə “Qorxaq qaçır” deyə qışqırdığı bildirilib. 

Verilən xəbərlərə görə, 3 nəfərin parlament mühafizəsi tərəfindən saxlanılaraq polisə təhvil verildiyi bildirilib. İsveçin Baş naziri Ulf Kristersson hadisə ilə bağlı təhqiqat aparılmasını və parlamentdə təhlükəsizliyin təmin edilməsi üçün ciddi tədbirlərin görülməsini istədiyini bildirib.

Mürtəza
Ölkə.Az