Qəbri açanda gözlərinə inanmadılar — Foto

İzmirdə vəfat edən qadını babasının məzarında dəfn etmək istəyiblər. Bu məqsədlə məzarı açıblar. Amma məzardan çıxan torbanın içərisində iki nəfərin sümükləri tapılıb. 

Ölkə.az Demokrat.az-a istinadən xəbər verir ki, prokurorluq artıq hadisə ilə bağlı araşdırmalara başlayıb.

Hadisə İzmirin Buca rayonundakı Köhnə Buca qəbiristanlığında baş verib. Əldə edilən məlumata görə, ağciyər xərçəngindən dünyasını dəyişən Elif Küntaşın (32 yaş) cənazəsinin 1979-cu ildə dünyasını dəyişən babası Nurettin Küntaşın məzarı üzərində dəfn edilməsinə qərar verilib. Qəbir dəfn üçün açılmağa başlayanda Küntaş ailəsi həyatlarının şokunu yaşayıb.

45 il əvvəl dünyasını dəyişən baba Nurəddin Küntaşın məzarındakı torba açılıb, içərisində 2 nəfərə məxsus sümüklər tapılıb. Tam skelet hesab edilən sümüklərə rast gələn ailə vəziyyəti müvafiq quruma xəbər verib. Qəbiristanlığa gələn Hadisə Yeri Araşdırma Şöbə Müdirliyi qrupları araşdırma aparıb. Müayinədən sonra sümüklər DNT testi ilə şəxsiyyətləri müəyyən edildikdən sonra İstanbul Ədli Tibb Qurumuna göndərilib.

Qəbir açılanda sümüklərin çıxdığı o anların şahidi olan Elif Küntaşın əmisi oğlu Əli Baybars əvvəlcə sümüklərin babalarına aid olduğunu düşündüklərini, sonra həqiqəti öyrəndiklərini bildirib:

"Mərhum əmim qızını 45 il əvvəl rəhmətə gedən babamızın məzarı üstündə dəfn edəcəkdik. Qəbir qazılarkən tapılan torbadan sümüklər çıxdı. Dərhal vəziyyəti səlahiyyətlilərə bildirdik, biz onu görəndə çox təəccübləndik və sümüklərin kimə aid olduğunu soruşduq. Əvvəlcə babamızın sümükləri olduğunu düşünürdük, sonra anladıq ki, onlar babamızın sümükləri deyil".