Dünyanın ən zəngin liderləri açıqlandı

Biz elə bir dövrdə yaşayırıq ki, dünya liderləri təkcə siyasi gücləri ilə deyil, həm də şəxsi sərvətləri ilə diqqəti cəlb edir. Bəzi liderlər ölkələrinin iqtisadi və siyasi strategiyasını müəyyən etməklə yanaşı, həm də böyük şəxsi sərvətləri ilə gündəmə gəlirlər. Bəzilərinə bu sərvət ailə mirası kimi qalsa da, bəziləri iş dünyasındakı uğurlarından qazanıb. Onların sərvəti təkcə şəxsi həyatlarına deyil, həm də liderlik üslublarına və dövlət siyasətlərinə təsir edə bilir.

Ən zəngin dünya liderləri arasında texnologiyadan daşınmaz əmlaka qədər kommersiya investisiyaları ilə ad çıxaranlar da var. Bu liderlərin sərvəti təkcə ölkələrinin iqtisadi gücünü əks etdirmir, həm də qlobal səviyyədə mühüm güc elementi kimi seçilir. Onların təkcə öz ölkələrində deyil, həm də beynəlxalq arenada həm iqtisadi, həm də siyasi təsir yaratmaq imkanları diqqəti cəlb edir.

Beləliklə, Ölkə.Az "Forbes"ə istinadən dünyanın ən zəngin liderləri və onların sərvəti haqqında məlumatı dərc edir.

Siyahıya Rusiya lideri Vladimir Putin başçılıq edir.

Putinin sərvəti 200 milyard dollar həcmində dəyərləndirilir.

İkinci yerdə Şimali Koreya lideri Kim Çen In 5 milyard dolarla qərarlaşıb. Bildirilir ki, onun sərvətinin böyük hissəsi Çində və Avstriya, Lüksemburq, Rusiya və İsveçrə kimi digər ölkələrdə 200-dən çox bank hesabında saxlanılıb.

Üçüncü yerdə Çin lideri Si Cinpin 1,5 milyardla qərarlaşıb. Onun barəsində o da qeyd olunub ki, ancaq bu gün onun sərvətinin həqiqi ölçüsü məlum deyil.

Dördüncü yeri isə Suriya prezidenti Bəşər Əsəd 1,5 milyard dollarla bölüşüb.

2011-ci ildə Suriyada vətəndaş müharibəsi başlamazdan əvvəl Əsəd ailəsi və tərəfdarlarının torpaq, elektrik stansiyaları və fabriklər də daxil olmaqla, ölkənin aktivlərinin 60-70 faizinə sahib olduqları bildirilirdi.

Növbəti yeri Ekvatorial Qvineya prezidenti Teodoro Obianq 600 milyon dolarla tutub.

Növbəti yerlərdə isə Ruanda prezidenti Pol Kaqame isə 500 milyon dollarla, Cənubi Afrika prezidenti Siril Ramafosa 450 milyon dollarla, Fransa prezidenti Emmanuel Makron 31,5 milyon dollarla, Ukrayna prezidenti Volodimir Zelenski 20 milyon dollarla, ABŞ prezidenti Co Bayden 10 milyon dollarla, Kanadanın baş naziri Castin Trüdo 5 milyon dollarla Sinqapurun baş naziri Lourens Vonq 5 milyon dollarla ardıcıllıqla növbəti yerləri bölüşüblər.

Mürtəza
Ölkə.Az