Daha bir şəhər İŞİD-dən alındı

İraqda İŞİD qruplaşmasına qarşı döyüşən kürd peşmərgə qüvvələri ölkənin qərbində yerləşən Rabiyə şəhərini İŞİD döyüşçülərindən ala bilib

Peşmərgə qüvvələrinin rəsmi bəyanatına əsasən, Rabiyə şəhəri sentyabrın 30-dan okyabrın 2-dək davam edən qızğın döyüşlərdən sonra İŞİD-in nəzarətindən çıxıb. 

Peşmərgə qüvvələri Youtube videoportalına Rabiyə şəhərində lentə alınan video yerləşdiriblər və videoda şəhəri azad etdiklərini bəyan ediblər. Onlar Rabiyə şəhərinin azad edilməsində ABŞ və Böyük Britaniya aviazərbələrinin də dəstək olduğunu bildiriblər. 

Dünən gecə saatlarında kürd döyüşçülərindən biri şəhərdəki kommunikasiya qülləsinə dırmanaraq, İŞİD-in bayrağını oradan çıxarıb./Anspress/

Ölkə.Az