Ermənistanın Gömrük komitəsinə daxil olma vaxtı açıqlandı
Ermənistanın Gömrük komitəsinə daxil olmağı demək olar ki, tam danışılıb və 10 oktyabr tarixində ölkənin bu addımı atacağı gözlənilir
Bu barədə cümə axşamı Belarus İnkişaf Bankının sədri, Avsrasiya iqtisadi komissiyasının Belarusdan olan nümayəndəsi Sergey Rumas Aleksandr Lukaşenkoya hesabatında qeyd edib.
Xatırladaq ki, 10 oktyabr tarixində Minskdə MDB dövlət başçıları sammiti keçiriləcək. Sammit zamanı Belarus, Qazaxstan və Rusiya prezidentlərinin Ermənistanın mövqeyi barədə danışıqları gözlənilir.
O əlavə edib ki, gündəlik artıq hazırdır və bu məsələ üzrə ortaya qoyulacaq 13 məsələnin demək olar ki, hamısı razılaşdırılıb. Digərləri üzərində isə hazırda danışıqlar davam edir.
Ölkə.Az
