Qazaxıstanda yeni məhdudiyyət tətbiq edilir
Qazaxıstanda qeyri-rezidentlər üçün ödəniş kartlarının etibarlılıq müddətinə, habelə onların bir nəfərə düşən sayına məhdudiyyətlər qoyulub.
"Ölkə.az" xəbər verir ki, bu barədə qərarı Qazaxıstan Maliyyə Bazarının Tənzimlənməsi və İnkişafı Agentliyi (ARFRM) qəbul edib.
“Maliyyə təşkilatlarının fəaliyyətinin tənzimlənməsinə dair Qazaxıstan Respublikasının bəzi normativ hüquqi aktlarına dəyişikliklər edilməsi haqqında” 96 nömrəli qərar 31 dekabr 2024-cü ildə qəbul edilib və artıq dərc olunub.
Sənəddə qeyd edilir ki, "Qazaxıstan Respublikasının qeyri-rezidenti olan müştərilərə verilmiş ödəniş kartlarının etibarlılıq müddəti, sahibkarlıq subyektlərinə, diplomatik işçilərə və investorlara verilmiş ödəniş kartları istisna olmaqla, 12 təqvim ayından çox deyil".
Həmçinin yeni qaydalara əsasən, bank bir bankın 5-dən çox kartına (əvvəllər 10 kart) sahib olan şəxsləri çirkli pulların yuyulması və terrorçuluğun maliyyələşdirilməsi riski baxımından şübhəli hesab edəcək. İstisna uşaqların adına verilmiş əlavə ödəniş kartları, habelə bank kreditlərinin verilməsi və ödənilməsi üçün kredit kartlarına nəzərdə tutulub.
Qeyd edək ki, Qazaxıstan Qərbin Rusiyaya qarşı maliyyə sanksiyalarından yayınmaların qarşısını almaq üçün son 2 ildə bir sıra addımlar atıb. Bura ilk növbədə Rusiya vətəndaşlarının ölkə ərazisində sərbəst bank kartı əldə etməsinə imkan verməyən yeni tələblər daxildir. Belə ki, 2023-cü ildən tətbiq edilən qaydaya əsasən Qazaxıstanda bank kartını əldə etmək üçün ölkə ərazisində 90 gün qalmalısan. Eyni zamanda xarici ölkə vətəndaşlarına kartlar verilərkən onların maliyyə tarixçələrinə dair əlavə məlumatlar tələb olunur.(musavat.com)
