Sosial şəbəkə fenomeni izləyici yığmaq üçün körpəsini zəhərlədi
Avstraliyada sosial şəbəkə fenomeni qadın izləyicilərinin sayını artırmaq üçün övladını zəhərləyib.
Ölkə.Az xarici KİV-ə istinadla xəbər verir ki, Kvinslend əyalətində yaşayan 34 yaşlı qadının pul toplamaq və izləyicilərinin sayını artırmaq üçün bir yaşlı körpəsini zəhərlədiyi məlum olub.
Belə ki, ötən ilin oktyabrında uşağın vəziyyəti pisləşib xəstəxanaya aparılmasından sonra həkimlər vəziyyəti başa düşüb.
1 yaşlı körpənin anası barəsində cinayət işi açılıb. O, uşağa işgəncə vermək, istismar və dələduzluq ittihamları ilə saxlanılıb.
Detektivlər bildirib ki, qadın avqust-oktyabr aylarında heç bir tibbi göstəriş olmadan körpəyə müxtəlif dərmanlar verib. Aparılan tibbi testlərin nəticəsi yanvarda bəlli olub.
Kvinslend ştatının polis rəisi Paul Dalton bu gün jurnalistlərə deyib ki, ana yardım adı altında ümumilikdə 37 300 dollar toplayıb.
Billurə
