İŞİD taktikasını dəyişdi

ABŞ başda olmaqla koalisiya qüvvələrinin hava hücumlarına qarşı İŞİD terror qruplaşması taktikasını dəyişib.

İŞİD aviasiya zərbələrindən yayınmaq üçün davamlı və sürətli şəkildə silahlı dəstələrinin yerini dəyişməyə başlayıb.

Xüsusi ilə Hələb ətrafında militanlarını geri çəkən terror qruplaşması postları da ləğv edərək, çoğrafi cəhətdən hücum edilməsi mümkün olmayan yerlərə çəkilir.

Bununla belə İŞİD-in Hələb bölgəsindən geri çəkilmək fikri yoxdur. Əksinə hərbi gücünü artırıb, digər rəqib qruplaşmaları zərərsizləşdirməkdir. Bu məqsədlə bölgəyə xeyli sayda yaraqlı və hərbi texnikanın gətirildiyi bildirilir.

Suriya mənbələrindən yayılan məlumatda deyilir ki, İŞİD hava zərbələrinin hədəfinə çevrilən zirehli maşınlardan imtina edir. İnsan itkisinin minimuma endirmək üçün İŞİD rəhbərliyi motosikletlərdən istifadə etmək qərarına gəlib. (anspress)

Ölkə.Az