Çində 50 uyğur türkü öldürüldü

Çində növbəti dəfə uyğur türklərinə qarşı soyqırım əməliyyatı həyata keçirilib.

Ölkə.Az Çinin "Xinhua" rəsmi xəbər agentliyinə istinadən xəbər verir ki, Sincan Uyğur Muxtar Vilayətində 50 uyğur türkü öldürülüb.

Bildirilir ki, uyğur türkləri 21 sentyabrda bölgədə baş verən hadisələr nəticəsində öldürülüblər.

Qanlı hadisələrin nəticəsini dörd gün gecikmə ilə xəbər verən “Xinhua” hadisələri guya terror hücumu olaraq dəyərləndirib. Xəbər agentliyinin “terror hücumu” kimi qələmə verdiyi olaylarda 4 polisin də həyatını itirdiyini qeyd edib. 

Onu da qeyd edək ki, Çin mediası hadisə baş verən gün 2 nəfərin öldüyünü xəbər vermişdi. Ancaq “Azad Asiya” radiosu, yerli mənbələrə istinad edərək ölənlərin sayının onlarla olduğunu bildirmişdi. 

Çin mediasına görə, Doğu Türkistanın Sincan Uyğur muxtar bölgəsində bu il baş verən qarşıdurmalarda ölənlərin sayı 250-ni keçib.

Rəşid Mustafazadə

Ölkə.Az