Britaniya da İŞİD-ə qarşı vuruşacaq

Amerika Birləşmiş Ştatlarının rəhbərliyi ilə İraqda İŞİD-ə qarşı hərbi kampaniyaya Böyük Britaniya da qoşulmalıdır

Bunu Böyük Britaniyanın Baş naziri Devid Kemeron Nyu-Yorkda BMT-nin Baş Assambleyasında çıxışı zamanı bəyan edib. 

Kemeronun sözlərinə görə, o, Böyük Britaniyanın İŞİD-ə qarşı hərbi əməliyyatlara qoşulmasına görə parlamentin dəstəyini almaq üçün bu cümə günü parlament iclası çağırıb. 

Devid Kemeron vurğulayıb ki, məqsəd Böyük Britaniyanın yalnız aviazərbələrdə iştirakıdır, quruda əməliyyatlardan isə söhbət gedə bilməz. 

Parlamentin dəstəyindən sonra Böyük Britaniya yaxın günlərdə İŞİD-ə qarşı əməliyyatlara qoşula biləcək./Anspress/

Ölkə.Az