Roma Papası İŞİD-dən qorxmadı
Roma Papasının gözlənilən Avropa turu artıq start götürüb. Avropa ölkələrini ziyarət etmək fikrində olan Katolik dünyasının lideri Papa Fransisk ilk olaraq Albaniyaya səfər edib.
Ölkə.Az xəbər verir ki, Papa Fransiskin Albaniyanın paytaxtı Tiranadaki Beynəlxalq Rahibə Teresa hava limanında Albaniyanı Baş naziri Edi Rama və digər yüksək vəzifəli siyasi və dini nümayəndələr qarşılayıb.
Katolik aləminin ruhani lideri Papa Fransisk Avropa ölkələri turu çərçivəsində ziyarət etdiyi Albaniyada prezidenti Buyar Nişanı ilə görüş keçirib.
Daha sonra Papa Fransisk onu görməyə gələn albanlara təşəkkür etdi.
Fransiskin səfəri yüksək təhlükəsizilik tədbirləri altında keçirilir və onun təhlükəsizliyini 3 min polis qoruyur.
Qeyd edək ki, səfərdən öncə Qərb mediasında xəbərlər yayılmışdı ki, İŞİD terrorçuları Papa Fransiskə qarşı sui-qəsd hazırlayıblar.
Buna baxmayaraq rəsmi Vatikan dövlət başçısının səfərini təxirə salmaqdan imtina etdi.
Rəşid Mustafazadə
Ölkə.Az
