İŞİD Türkiyənin İraqdakı bazasını atəşə tutdu
İraq-Şam İslam Dövləti (İŞİD) terror qruplaşmasının yaraqlıları İraqın şimalında dislokasiya edilən Türkiyə ordusunun bazasını atəşə tutublar. “Reuters” atışmada ən azı 4 hərbçinin yaralandığını bildirir.
Türkiyənin 130 əsgəri yerli kürdlərə təlim keçmək üçün İraqın şimalındakı Mosul şəhəri ətrafına göndərilib. İraq hakimiyyətinin nümayəndələri Türkiyə batalyonunun ölkə ərazisində peyda olmasını işğal adlandırıb və heç bir hərbi əməliyyatın Bağdad federal hökuməti ilə razılaşdırılmadığını bəyan ediblər.
Türkiyə prezidenti Rəcəb Tayyib Ərdoğan isə deyib ki, öz hərbçilərini geri çəkmək niyyətində deyil.
Onun sözlərinə görə, 2014-cü ildə İraqın baş naziri ona hərbçilərə və polislərə təlim keçməkdən ötrü ondan kömək göstərilməsini xahiş edib. (musavat)
Ölkə.Az
