9 noyabr - Kataloniyada referendum günü

Kataloniya parlamenti müstəqillik barədə referendumun keçirilməsinə icazə verib

Ölkə.Az  «Россия 24» kanalına istinadən xəbər verir ki, Kataloniya Parlamenti müstəqillik probemi ilə bağlı referendumun keçirilməsinə icazə verən qanun qəbul edib.

Deputatların böyük əksəriyyəti lehinə səs verib.

Qeyd olunur ki, qəbul olunmuş qanun rəsmi Madridin kataloniyalıların referendum keçirməsini qadağan edən fərmanı nəzərə alaraq məsələni həll edir. Səsvermə 9 noyabra təyin olunub.

Xatırladaq ki, Kataloniya İspaniyada geniş muxtariyyətə malik bölgədir. Təxminən 32 000 km² ərazisi və 7 milyon əhalisi olan Kataloniyanın paytaxtı Barselona şəhəridir.

Kataloniya Parlamenti 135 deputatdan formalaşır. Kataloniya prezidentini dörd ildə bir dəfə parlament seçir.

Əhalisinin əksər hissəsi katalonlardan formalaşan bölgədə iki rəsmi dil var: katalon və ispan dili.

Rəşid Mustafazadə

Ölkə.Az