Ebolaya inanmadıqları üçün həkimləri öldürürlər
Qvineyada Ebolaya qarşı xalqı məlumatlandırmaq üçün ölkəni gəzən tibb işçiləri və jurnalistlərdən ibarət olan qrupun bir qismi ölü tapılıb
Ölkə.Az xəbər verir ki, xalqın böyük qismi tibb işçilərinə güvənmədiyi və diaqnozun "qəti ölüm" mənasını verdiyini düşündüyü üçün onlarla əməkdaşlıq etməyi rədd edirlər. Həkimlər daha əvvəl də "Ebola yalandır" deyən xalqın hücumu ilə üzləşmişdi.
Qvineya hökumətinin spikeri Albert Damantang Camara səkkiz cəsədin tapıldığını, bunlardan üçünün qrupdakı jurnalistlərə aid olduğunu açıqlayıb. Qrup üzvləri çərşənbə axşamı günü ölkənin cənubundakı Nzerekore şəhəri yaxınlığındakı Women kəndində xalqın hücumu ilə qarşılaşmışdı.
Qeyd edək ki, Woven kəndi Qvineyədə epidemiyanın ilk görüldüyü yerlərdən biri.
Rəşid Mustafazadə
Ölkə.Az
