Ermənilər kürdlərlə birlikdə Türkiyəyə etiraz etdilər

Tahir Elçinin qətli ilə əlaqədar etiraz aksiyası keçirildi

Ölkə.Az xəbər verir ki, erməni və kürd fəallar Los-Ancelesdə Türkiyə konsulluğu qarşısında hüquq müdafiəçisi və vəkil Tahir Elçinin qətli ilə bağlı etiraz aksiyası keçiriblər.

Aksiya Los-Ancelesin Kürd həmrəylik komitəsi və Erməni gənclər federasiyası tərəfindən təşkil edilib. "The Armenian Weekly" yazır ki, etirazçılar cinayəti törədən şəxslərin məsuliyyətə cəlb edilməsi və erməni jurnalist Hrand Dinkin öldürülməsi ilə bağlı şəffaf araşdırmaların aparılmasını, Suriyada silahlı qüvvələrin dəstəklənməsini, PKK düşərgələrinin bombalanmasını dayandırmağı tələb ediblər.

Etirazçılar həm də Türkiyənin NATO-dan çıxarılmasını istəyiblər.

Qeyd edək ki, Tahir Elçi Diyarbəkirin vəkillər palatasının sədri olub.

Rəşid Mustafazadə

Ölkə.Az