Beynəlxalq Valyuta Fondu: Səudiyyə Ərəbistanı batır

Beynəlxalq Valyuta Fondunun hazırladığı yeni hesabat dərc olunub.

Ölkə.az xəbər verir ki, dünyanın ən böyük maliyyə institutlarından biri olan BVF gəlirinin əsas hissəsini neft ixracatından əldə edən Səudiyyə Ərəbistanı krallığının 5 ildən sonra iflasa uğraya biləcəyini proqnozlaşdırıb.

Neftin düşən qiymətlərinin fonunda Səudiyyə Ərəbistanının gəlirlərinin sürətlə azalması onu göstərir ki, bu ölkənin valyuta ehtiyatları yaxın 5 ilə tam tükənə bilər.

Hesabatda Səudiyyənin hazırda 654,5 milyard dollarlıq rezervinin olduğu qeyd olunub. İndiyədək bu rezervlərdən 70 milyard dollar pul çəkilib. Neftin qiymətlərinin kəskin düşməsi isə son 1 ildə krallığa 73 milyard dollar zərər vurub.

Xatırladırıq ki, Səudiyyə Ərəbistanı krallığının gəlirlərinin 90%-i neft satışından əldə olunur.

Ölkə.az