Timoşenko yenidən müxalifətə keçir
Ukraynanın keçmiş baş naziri, son Maydan hadisələrindən sonra həbsdən azad olunmuş Yuliya Timoşenkonun Poroşenko hakimiyyətinə qarşı müxalifətə keçəcəyi bildirilir.
Ölkə.az Ukrayna mediasına istinadən xəbər verir ki, çoxlarının yeni hakimiyyətdə yüksək vəzifə tutacağını gözlədiyi Yuliya Timoşenko və onun partiyası "Bıtkovşina"nın müxalifətə keçəcəyi gözlənilir.
Ukraynalı politoloqların əksəriyyətinin də verdiyi proqnozlarda gələcək parlament seçkilərində "Bıtkovşina"nın Radaya girəcəyi təqdirdə öz fraksiyası ilə müxalifətə keçəcəyi deyilir.
Xatırladırıq ki, Yuliya Timoşenko keçmiş prezident Yanukoviçin əmri ilə həbs olunmuşdu və bir-neçə il məhbəs həyatı yaşadıqdan sonra 2014-cü ilin əvvəlindən başlayan və müxalifətin qələbəsi ilə bitən Maydan hərəkatından sonra həbsdən azad olunmuşdu.
Ölkə.az
