İndoneziyada dəhşətli terror

İndoneziyanın paytaxtı Cakartada üst-üstə bir neçə terror hadisəsi törədilib.

Ölkə.Az xarici mətbuata istinadən xəbər verir ki, bu barədə jurnalistlərə yerli polis nümayəndəsi Anton Çarliyan bildirib.

“Onların kimliyi müəyyən edilməyib, amma onlar “İslam Dövləti” (İŞİD) terror təşkilatına aid ola bilərlər, belə ki, biz daha öncə İŞİD-dən Cakartada “konsertlərin” planlaşdırıldığına dair ismarıclar almışdıq”, - Çarliyan bildirib.

Cakartada həyata keçirilən partlayışlar nəticəsində ən az 6 şəxs ölüb. Partlayışlardan 3-ü Türkiyə və Pakistan səfirliklərinin yaxınlığında, 1-i Birləşmiş Millətlər Təşkilatının ofisinin yaxınlığında olub. Daha bir partlayış isə ticarət mərkəzinin qarşısında həyata keçirilib. 

İndoneziya hüquq mühafizə orqanları başqa partlayışların ola bilmə ehtimalını əsas gətirərək əhaliyə çölə çıxmamaq barədə xəbərdarlıq edib. Partlayışlardan 3-ünü “canlı bomba”nın həyata keçirdiyi açıqlanıb. 14 terrorçunun isə partlayışlara dəstək verdiyi müəyyənləşib. Hələ ki, heç bir qruplaşma terror hadisələrini üzərinə götürməyib. 

Artıq İndoneziya polisi partlayışlarla bağlı rəsmi açıqlama verib və terror hadisələrində partlayıcı qurğunun işə salındığını bildirib.

Ölkə.Az